tm in ankhon main bste thehm un ankhon main bste the
yun jaise saraye main aksar
kuch dare musafir rehte hain
phir kar jate hain kooch kaheen
aur yad kahan phir rehte hain
kuch khab jo tm ne daikhe the
kuch khab jo hm ne daikhe the
woh khab chiraghon jaise the
aur ham dono ke jeven main
kuch aise lamhe guzre hain
jo taiz hwa ke jhonke the
kuch geet jo tm ne gaye the
kuch geet jo ham ne gaye the
na the woh mah o anjum keh jinhain
ham yad ke roshan danon se
khabon ke ufaq peh daikh skain
na aise kisi jugnu ki tarah
hamrah jo sari rat rhe
woh khab to bs kuch saye the
bs sham dhle tk sath rhe
kuch yad hain tmko bachpan main
kuch khail jahan tm khaile the
kuch khail jahan hm khaile the
do char dino ke maile the
kuch yad hai chah ki ungli se
dil hi dil main man hi man main
ik harf jo tm ne likha tha
ik harf jo ham ne likha tha
tha sakh hamare jazbon ki
awaz hamare dil ki thi
woh rait magar sahil ki thi
woh rait magar sahil ki thi