Meri zindigi ke nisab main koi aur bab raqam karo
bari pur sukoon hai zindigi koi hum pe taza sitam karo

yunhi tak rahe ho kharay kharay ya hamari zeest ko chheen lo
ya ataa karo hamen zindigi aray kuchh to mere sanam karo

hamen ik suroor sa chahiay ye khayal shah-e-watan ka hai
jo naheen hen saghar o jam yahan chalo sar kisi ka qalam karo

mere aansuon ki jhari lagay mere dil ki aag bharak uthay
koee bat ho shab e hijr ki koee zikr e subhe alam karo

men talab karoon ga khuda se jo mujhay mil hi jaega naseho
mujhay tum se kuchh bhi na chahiay koee mujh pe tum na karam karo

men chaloon to kya na chaloon to kya mera azm itna buland hai
mujhay mil hi jaengi manzilen karo qaid mere qadam karo